اليوم الثاني

امس كان لازم احكيكلم عن افطاري وصلاة التراويح !!

وهل التقيت بحد بالجامعه ام لا ..؟؟

بأختصار لم يكن شئ مميز !

افطرت قهوة سعودية وتمر في المسجد الذي صليت به المغرب والذي يبعد عنا الشقة حوالي 2 كلم (سأخبركم لماذا لاحقا )

وفي طريقي للمنزل اشتريت ربع كيلو "سمبوسة" لحمة بعشرة ريال ( اليوم اكتشفت انهم ضحكوا علي ، فالكيلو عادة يباع ب20 ريال ) ومع لبن .. وكان هذا افطاري .. كانت السمبوسة حارة شوي ( ولم اكتشف اثرها السلبي الا اليوم الصباح في الـ wc )

اخيرا استطعت قبيل المغرب لاتصال بمسؤول الجامعة الذي كنت احاول الاتصال به من ساعة وصولي الى هنا  جائني الاستاذ احمد الساعة تسعة وارادني الانتقال الى السكن المخصص . قلت له انا ليس مشكلة فانا دافع لحد بكرة العصر .. الان دعنا نبدا في المهم بخصوص العمل .. اخبرني بالاوراق اللازمة .. وطلب مني صور شخصية … اوبببببببببس !! مامعيش !! مو مشكله اتصور اليوم !!

ويا حبيبي !! اخوكم خالد صحي من الصبح ، وبعد معركة الاسهال .. اخذ دوش سخن (المية حامية بدون السخان ) وحلقت دقني .. ولبست البدلة .. ونزلت ع الشارع !!وياحبيبي ع المفاجئة الي اول ماطلعت اشارع عرفتها !!

الله وكيلكو كأنها لغم انفجر .. او قنبلة انشطار نووي .. الجو سخن وحار بشكل مووو طبيعي ! وانا لا بس بدلة ياعيني !!

المهم مشيت وتصورت ! ورجعت ع الفندق .. اتصلت ع أ. احمد واحمد خش مرة تانية في موضوع السكن !وكيف اروح واسكن !

المهم ضيعنا الوقت ، ولما اتصلت بيه اني جاي .. قالي : لأ بلاش اصلو روحنا .. نشوفك بعد التراويح ! وهلأ التراويح ونستنى !

هناك لقيت في الشقة 4 شباب مصاروة عسل !!

هذا احداث اليوم !!

لكن اليوم الي كنت بدي احكيلكوا عنوا بعض الملاحظات ، اللي حسيتها ..بعرفش

ان الوقت في السعودية غير ذي قيمة !! الشباب المصريين هون الهم 3 ايام .. ولا حراك ومتاضيقين من تصيع الوقت الذي بلا قيمة .. وخصوصا ان الانسان معلق مش قادر يستقر !! ومش عارف حيشتغل بأي مدينة !

ايضا الملاحظة الاخرى .. الشوارع فاضية .. تمشيت امس قبل الافطار مافيش ناس ماشيين بالشارع ..بسيطة الناس صايمين !! طيب وبعد الافطار ؟؟؟

كمان شغلة الوقت مبارك هون !! يعني اقرأ جزء القران بنص ساعة !! وقراءة هادية ومتأنيه ! بعمان ماكنت بلاقي ربع ساعة اقرأ الجزء ولا شلفـقة !  3 اتصالات و9 مسجات و49 مرة يناديني ابوي ، وانا لازم الحق اخلص 37 مشوار !

والله يسهل !!